|
|
|
My Friends in Ilocos
Tuesday, April 5, 2011 | posted by TheRandomPianist Nakakamiss lang lumabas ng bahay gamit ang aking motor. Para akong hari ng daan sa tuwing ginagamit ko yung sasakyan ko. Medyo malaki kasi at mabigat para gamitin ng isang babae kaya parang astig na yun sa akin. Isang text lang ng mga kaibigan kong lalabas kami eh aandar agad ako palabas ng bahay. Di ako makapirme minsan sa bahay kaya yun ang namimiss ko. Naalala ko yung mga panahong lalabas kami bandang alas otso ng gabi para lang kumain sa labas (sa Merge Point). Kakain kami ng Lomo doon minsan naman pumupunta sa plaza para kumain ng manggang hilaw na may alamang, fishball o kikiam, minsan tokneneng. Kung may pera naman kami ay pupunta kami doon sa Ihawan at kakain ng goto, isaw baboy na may dinuguan na sasawan at pork tofu. Hindi ba halatang mahilig kami sa food trip?
Kung bumababa man si Jyx, ang babae kong best friend; maglalakwatsa kami ng wagas kasama si Nic. ^^ Siguro kung uuwi man ako eh dalawa na ang driver ni Jyx since marunong na din ako magmaneho. Naaalala ko pa yung mga pagkakataong pupunta kami sa isang shop na puro may factory defect na damit pero mga branded. haha. Makakabili ako ng kung anu anong shirt na pwede kong gamitin sa bahay oh di kaya panlabas kung di halata ang defect. At pagkatapos, foodtrip. Kahit saan basta mabubusog kami sa tawa, pagkain, biruan at kwento. Minsan pa nga eh nagii-sleepover siya sa bahay at nonstop magkukwento. Mas madaldal siya sa akin kaya di siya mauubusan ng ikukwento. teehee.. Miss ko na kayo.. Miss ko na din ang 7 wonders na kasama ko sa classroom at ang EnerG. na kasama ko sa duty. Miss ko na din si super friend kong si Ivan na wagas din ang trip. ^^ Kayo lang ang nakakakilala sa akin ng wagas. Kahit konting kamalian man ay napapansin niyo, ayos parin sa inyo. Tanggap niyo ko. Walang eepal epal sa atin. Miss ko na kayo. :(   |
|
